BIBLIO EN FAMILIA: ALIMENTACIÓN SAUDABLE

        Zeltia Torrecilla, unha das nosas mamás do cole, inaugurou o pasado mércores as tardes de "Biblio en familia", cun tema interesantísimo: a alimentación saudable.

    Puidemos aprender, entre outras cousas, cal é a mellor forma para alimentarnos e así poder atoparnos mellor, con moita enerxía e saúde, e os porqués científicos desta alimentación.

    É tan sinxelo coma comer: verduras e froitas frescas, legumes, cereais integrais, carne e peixe, froitos secos... e tentar eliminar case por completo os procesados. Ademais de levar unha vida activa, beber auga e durmir ben!

    Estamos infinitamente agradecidas por que nos achegase un tema tan importante e o fixera tan ameno.

    Deixámosvos un enlace que Zeltia nos recomendou e que pensamos pode ser do voso interese. É o plato Harvard, no que debería estar baseada a nosa dieta. Podedes saber máis premendo na seguinte imaxe:

    A partir desa e outra información, animounos a elaborar os nosos pratos empregando as cores do esquema anterior, mentras reflexionabamos e falabamos sobre o tema.

     Recomendámosvos o seguinte libro, que temos na biblioteca, e que explica todo o relacionado coa alimentación saudable dun xeito ameno para a rapazada, e ademais inclúe receitas! 

    Lembrade que podedes levar en préstamo a maioría de libros da Bibliosouto utilizando os carnés das vosas fillas e fillos.

    Esperamos que sigades a participar nas próximas convocatorias (sempre o último mércores de cada mes de 16:00 a 18:00) e sintádesvos libres para propoñernos outras actividades e obradoiros.

    Encántanos abrir a biblioteca para seguir facendo comunidade. Todas e todos sabemos algo que poder compartir coas demais, non deixedes de facelo.

    Moitas grazas, Zeltia!