Ola!
Por fin chegou o ansiado momento! As mochilas viaxeiras que tanto agarimo levan, acaban de comezar a súa singladura.
Xa sabedes que dentro da mochila, ademais das propostas que vos achegamos, tedes un caderno para que poidades comentar o que vos parece a mochila, para podérmolo compartir dende o blog coa comunidade educativa, e para que o equipo da BiblioSouto poida ter unha idea de como está a resultar a proposta e como a podemos mellorar en vindeiras ocasións.
"Cando emprendas a túa viaxe pide que o camiño sexa longo, cheo de aventuras e de experiencias". Desexamos que desfrutedes de cada proposta e que o fagades con calma. Se vos fose necesario máis tempo, lembrade que hai máis exemplares na biblio de todos os libros (dentro da escola de pais/nais) sobre psicoloxía, socioloxía, pedagoxía e/ou neurobioloxía, e podedes levalos en préstamo cando queirades.
Esperamos que desfrutedes da experiencia, familias!
Cavafis, C. (2015) Ítaca. Ed. Nórdica Libros
Comentarios
Publicar un comentario